Vorbulla e fuqishme Polare që goditi Shtetet e Bashkuara të Amerikës siç duket do të ketë ndikim tek ne, por jo për ftohtë por për ngritjen e temperaturave. Kjo vjen për arsye se kjo vorbullë e fuqishme e ajrit të ftohtë me largimin e saj drejt lindjes dhe verilindjes së Shteteve të Bashkuara të Amerikës ka hyrë në Oqeanin Atlantik duke “trazuar” lëvizjet e masave ajrore Oqeanike. Kjo nënkupton aktivizimin e masave ajrore të cilat në drejtim të rajonin tonë do të pengojnë depërtimin e ndonjë mase të fuqishme ajrore siberike.
Pasiqë muajin Janar e karakterizojë blloku anticiklonik në Atlantik gjegjësisht në Azore dhe ky bllok ka mundësuar “fjetjen” e Atlantikut dhe në këtë mënyrë në drejtim të rajonit tonë kanë depërtuar masa ajrore jostabile nga veriperëndimi dhe veriu, të ftohta dhe me reshje bore, por pasiqë kemi aktivizimin e Atlantikut, ky i fundit do të shtyjë anticiklonin e nxehtë të Azoreve në drejtim të rajonit tonë dhe kjo nënkupton pengesë për depërtimin e ndonjë mase të fuqishme ajrore nga Siberia tek ne. Të paktën kështu duket situata momentale dhe kjo nuk do të thotë se nuk do të kemi depërtime të vogla dhe të dobëta të masave ajrore të ftohta. Sidoqoftë sipas të gjitha gjasave gati gjysma e parë e Shkurtit në rajonin tonë do të kalojë pa ndonjë të ftohtë që vlenë të përmendet. Nëse ka ndonjë ndryshim eventual ne do tju njoftojmë me kohë në meteoballkan.com./Meteoballkan
