Sikur të mos kishte brenga të mjaftueshme për shkak të koronavirusit, Kosova dhe shumë pjesë të Evropës Jugore dhe Juglindore sot janë përfshirë nga një ndotje e ajrit me grimca PM10 (Particulate Matter), duke e rënduar gjendjen e të prekurve nga sëmundja COVID-19.
MeteoBallkan shpjegon se kjo rrymë me këtë ndotje ajrore vjen nga Azia Qendrore përmes Liqenit Kaspik drejt Evropës Juglindore e deri në Evropën Perëndimore.
Sewere Weather Europe shkruan se studimet kanë treguar se ekspozimi i gjatë ndaj grimcave PM2.5 dhe PM10 ulë mundësinë për të luftuar infeksionet nga sëmundjet respiratore, e lufta bëhet edhe më e vështirë te personat që kanë probleme kronike me sëmundjet pulmonare dhe kardiake, shkruan MeteoBallkan.
Aleanca Evropiane për Shëndetin Publik ka paralajmëruar që nga e hënja për këtë valë të ndotjes, duke theksuar se situata mund ta rëndojë shëndetin e të infektuarve me COVID-19.
Tashmë është vërtetuar se ndotja e ajrit shkakton mbi 400 mijë vdekje për çdo vit në nivel botëror.
Sot, shumë stacione meteorologjike në Evropën Juglindore dhe në Ballkan kanë regjistruar vlera jashtëzakonisht të larta të grimcave PM10.
Më poshtë keni një shembul të regjistrimit të këtyre grimcave në Lubjanë të Sllovenisë:
Ndërkaq, këtu gjeni disa raporte të tjera mbi praninë e grimcave PM10 në Itali, Gjermani dhe Poloni:
#Warszawa 🙄 UMIARKOWANA jakość powietrza 👇
Najgorzej:#PM2.5 Tołstoja 43μg (174%)#PM10 Tołstoja 61μg (123%)#O3 119μg (119%)
Najlepiej:#PM2.5 Ursynów 30μg (121%)#PM10 Piastów-Pułaskiego 42μg (84%)#zostanWdomu😷 pic.twitter.com/RA6IJLfmfW— Powietrze Warszawa (@PowietrzeWawa) March 27, 2020
