Cikloni i fuqishëm i cili na solli reshje të fuqishme bore në Kosovë sot gjendet në territorin e Turqisë dhe në Detin e Zi, ndërsa nesër pritet të largohet thellë në Azi në Detin Kaspik dhe në Kazakistanit. Cikloni do të kushtëzojë reshje të fuqishme dhe stuhi shiu e bore në Turqi.
Në anën tjetër në rajonin tonë ende kemi ajron e ftohtë polar me qendër në Ukrainë dhe Rumani.
Nesër fronti më i ri i ftohtë ajror do të tërheqë në drejtim të Kosovës pikërisht këto masa të ftohta ajrore që gjenden në Ukrainë dhe Rumani. Fronti i ftohtë i nesërm do të shkaktojë edhe reshje të reja kalimtare bore në Kosovë si dhe erëra herë pas here, vende-vende të fuqishme veriore. Pas kalimit të këtij fronti pritet fuqizim i anticiklonit nga Evropa qendrore dhe kthjellim i motit dhe për këtë arsye dy netët e ardshme pritet të jenë me acar të fortë në Kosovë dhe vende-vende në rajon. Temperaturat ditore do të shënojnë rritej graduale nga e premta dhe po ashtu do të kemi edhe rreze diellore./Meteoballkan
