Në fotografinë kryesore kemi gjendjen sinoptike apo temperaturat në rajonin tonë këtë fundjavë. Këtu shihet depërtimi i masave ajrore nga Afrika Veriore në drejtim të Gadishullit Ballkanik. Kombinimi i temperaturave të nxehta, shkrirja e borës dhe reshjet e dendura të shiut do të shkaktojnë vërshime sidomos në Bosnjë dhe Hercegovinë dhe Mal të Zi.
Në Shqipëri sot do të kemi reshje shiu posaqërisht në pjesën veriperëndimore dhe veriore si dhe në jug. Reshje të dobëta shiu mund të ketë edhe në veriperëndim të Kosovës dhe lokalisht edhe në disa rajone tjera. Megjithatë të shtunën dhe të dielën nuk priten reshje shiu tek ne por do të kemi shkrirjen e borës dhe kjo mund të rezutlojë në vërshime lokale.
Temperaturat maksimale në Kosovë do të arrijnë deri në 15 gradë celsius, kurse në Shqipëri edhe më lartë duke pasur parasysh klimën bregdetare dhe mesdhetare që ka Shqipëria. Temperaturat do të shënojnë ngritje të ndjeshme edhe në Maqedoni dhe Mal të Zi. Mali i Zi përpos ngirtjes së temperaturave pritet të përfshihet edhe nga reshje të dendura shiu herë pas here.
