Pasi që kemi përmirësimit e motit apo të kushteve sinoptike në adresën tonë kanë ardhur shumë pyetje posaqërisht nga bujqit tanë të nderuar të cilat lidhen kryesisht me kositjen e barit. Është mjaft e vështirë dhe çështje me përgejgjësi të madhe edhe përgjigja jonë, megjithatë do të mundohemi të sqarojmë brenda mundësive tone.
Moti është përmirësuar dukshëm, temperaturat janë ngritur dhe do të ngriten edhe më shumë, por pranë nesh gjegjësisht në Evropën lindore do të gjendet një masë ajrore jostabile e cila nganjëherë do të hedhë në drejtim të Kosovës “copëza lagështie” të cilat vetëm vende-vende do të destabilizojnë motin duke kushtëzuar rrebeshe të izoluara shiu me vetëtima dhe bubullimë, Në këto raste është e pamundur ta dimë se cilat rajone mund të preken e cilat jo sepse natyra e reshjeve është e izoluar prandaj modelet kursesi nuk mund të “lexojnë” 100 për qind me saktësi formimin e këtyre vranësirave. Do të ketë rajone ditëve të ardhshme ku do të ketë reshje kryesisht pasditeve dhe mbrëmjeve, por do të ketë edhe rajone ku nuk do të ketë fare reshje, prandaj në ditët e ardhshme rol të madh do të luan edhe fati.
Pra, si përfundim garanci nuk ka për mot tërësisht stabil dhe pa reshje sepse anticikloni nuk është tërësisht stabil dhe kemi masën e lagësht ajrore në Evropën lindore dhe ju bëjmë thirrje bujqërve të vendosin vetë nëse dëshirojnë të rrezikojnë apo të presin edhe pak.
Ditët kur disa pjesë të Kosovës, Maqedonia Veriore dhe pjesërisht edhe Shqipëria rrezikojnë për rrebeshe të izoluara shiu janë: Nesër- disa rajone në Kosovë, të hënën- disa rajone në Kosovë, Maqedoninë Veriore dhe lindja dhe juglindja e Shqipërisë. Ngjashëm, do të jetë edhe të martën dhe të mërkurën. Reshjet do të jenë të izoluara dhe do të përfshijnë hapësira të ngushta gjeografike./Meteoballkan
