Në krahinën e Baskisë, në mes të qytetit verior të Spanjës, Irun dhe qytetit në jugperëndim të Francës Hendaye, rrjedh lumi Bidasoa. Në mes të lumit, i cili e ndan Spanjën dhe Francën, gjendet territor me status të posaçëm – Ishulli i Fazanëve.
Ishulli i fazanëve është “condominiums”, vend me të cilin udhëheqin së bashku dy shtete. Me sa dihet, territor më i vogël dhe më i vjetër me status të tillë. Ky ishull me 5.000 metra katrorë gjashtë muaj në vit i takon Spanjës dhe gjashtë muaj Francës.
Kalimtarët mund ta shohin nga të dy anët e brigjeve të Bidaso’së, gjithsej 50 metra larg bregut francez dhe po aq edhe nga bregu spanjoll.
Ishulli nuk është i populluar dhe nuk mund të vizitohet. Vetëm ushtarët e qytetit spanjoll San Sebastian dhe qytetit francez Bayonne mund të kenë qasje në të për ta mirëmbajtur kur është nën juridiksionin e tyre.
“Kërkon pak kujdes”, ka thënë oficeri Rafael Preito gazetarit spanjoll të El Pais. Ai ka udhëhequr me ishullin deri më 31 korrik dhe e ka dorëzuar francezëve për gjashtë muajt e ardhshëm.
Në ishull nuk ka përmendore, përveç një pllake e cila përkujton se në atë vend është nënshkruar Karta e Pirenejit më 7 nëntor 1659 me të cilën është përfunduar lufta tridhjetëvjeçare.
Ky ishull edhe e simbolizon paqen dhe bashkëpunimin në mes të Francës dhe Spanjës.
Prej atëherë aty janë kryer disa kurorëzime mbretërore, por edhe ndërrimi i të burgosurve.
Është interesant se emri spanjoll i këtij ishulli është Isla de los Faisanes, ndërsa emri francez Ile des Faisanes, që në të dy gjuhët do të thotë Ishulli i Fazanëve, megjithëse aty nuk ka fare fazanë.
