Përderisa rajoni ynë po përballet me temperatura mjaft të ulëta për këtë periudhë kohore në Evropen jugperëndimore ka depërtuar ajri shumë i ngrohtë afrikan duke rritur temperaturat sot deri në 36 gradë Celsius.
“Aktivizimi” i Afrikës veriore nuk është problematik për Gadishullin Iberik për shkak të pozites dhe afërsisë gjeografike ku rrymat e nxehta ajrore depërtojn lehtë dhe dominojnë Spanjën dhe Portugalinë gjatë stinës së verës, shumë shpeshë edhe gjatë pranverës dhe vjeshtës.
Në rajonin tonë ende nuk kemi këtë “aktivizim” të Afrikes veriore, madje nuk do të kemi edhe ditët e ardhshme.
Sidoqoftë, nga nesër pritet të kemi përmirësim të motit dhe rritje të temperatrurave, por mbetet ende freskët për këtë periudhë kohore. Parashihen intervale të gjata kohore me diell dhe vranësira lokale. Rrebeshet e shiut mund të rikthehet për fundjavë, por do të jenë të karakterit lokal dhe temperaturat do të shënojnë rritje të mëtutjeshme graduale./METEOBALLKAN