Cikloni i fuqishëm pritet që gjatë ditës së nesërme të kalojë në Detin Jon dhe pastaj të rrugëtojë drejt Greqisë duke shkaktuar reshje të fuqishme atje.
Ne si Kosovë do të gjendemi krejt në periferi të këetij cikloni prandaj reshje do të jenë më prezente në juglindje dhe lindje të Kosovës dhe rajonet afër Maqedonisë së Veriut pritet të përfitojnë më shumë reshje. Në viset tjera priten riga lokale kryesisht të dobëta dhe fjolla bore në viset pak më të larta. Reshjet më të fuqishme nesër priten në jug dhe luglindje të Shqipërisë deri afër pjesëve qendrore të vendit. Po ashtu edhe Maqedonia Veriore pritet të përfitojë reshje të dendura shiu dhe bore në viset kodrinore-malore. Me uljen e temperaturave reshjet e borës mund të paraqiten edhe në disa vise pak më të ulëta deri afërsisht 800 – 900 metra lartësi mbidetare.
Në fotografinë kryesore kemi paraqitur një vijë të zezë që ndan kufirin mes reshjeve më të dendura dhe më të dobëta. Në jug dhe lindje të asaj vije priten reshje më të dendura, ndërsa në veri dhe perëndim priten reshje të pakta. Reshjet e borës do të paraqiten në gati kejt viset malore, ndërsa fjolla dëbore mund të kemi edhe në viset më të ulëta të Republikës së Kosovës, Luginës dhe Maqedonisë së Veriut.
Nga e premta vazhdon mot kryesisht i vranët dhe i thatë, me mundësi për riga të dobëta lokale. Nga fundjava moti pritet të ketë tendencë stabilizimi, ndërsa rritje të temperaturave dhe rreze më të shumta diellore pritet të kemi nga fillimi i javës së re./Meteoballkan
