Gjatë kësaj jave na do të vazhdojë të ne shoqërojë mot i ndryshueshëm, por me rritje të temperaturave. Fillimi i javës mjaft i freskët për këtë periudhë kohore. Në bregdet dhe viset mesdhetare më ngrohtë. Freskia po ndjehet dukshëm në Kosovë dhe viset tjera kontinentale, e cila do të jetë prezente edhe ditën e martë, por pa reshje atmosferike.
Nga e mërkura më në fund temperaturat do të fillojnë të arrijnë “normalitetin” për këtë periudhë kohore. Nxehtësia afrikane e cila pritet të përfshijë Evropen jugperëndimore dhe disa pjesë të Evropes perëndimore dhe qenrdore gradualisht do të fillojë të shtrihet edhe mbi Gadishullin Ballkanik, por në territoret tona ende nuk pritet nxehtësi e madhe ngase në fund të javës në Detin e Zi do të kemi krijimin e një cikloni të shtresave të larta, i cili nganjëherë mund të destabilizojë atmosferën në Kosovë dhe mund të pengojë depërtimin e ajrit të “sertë” afrikan. Në viset bregdetare dhe mesdhetare vera do të jetë në stilin e saj. Temperaturat rriten edhe në viset tona kontinentale, por të premtën sporadikisht dhe të shtunën pak më gjerësisht mund të kemi destabilizim të fuqishëm të atmosferës nga cikloni i Detit të Zi. Priten rrebeshe lokale shiu me vetëtima dhe bubullimë por nuk priten ulje të ndjeshme të temperaturave.
Vera do të fillojë më të fund të tregojë shenjat e saj gjatë nga mesi i kësaj jave, ndërsa për fundjavë priten rrebeshe të izoluara shiu me vetëtima dhe bubullimë kryesisht në viset tona kontinentale.
Temperaturat maksimale pritet të arrijnë deri në 30 gradë Celsius në Kosovë, ndërsa në bregdet dhe viset e ulëta mesdhetare të Shqipërisë edhe më ngrohtë. Temperatura mund të arrijë deri në 34-35 gradë Celsius në këto vise. Nxehtësia do të përfshijë edhe Maqedoninë Veriu dhe Luginën e Preshevës por në mënyrë më graduale me tempperatura maksimale rreth 30 gradë Celsius gjatë javës.
Ishte ky një parashikim me pak fjalë për motin gjatë kësaj jave, ndërsa për çdo ndryshim eventual na përcillni në postimet tona gjatë ditëve të javës, veçanërisht në mbrëmje dhe mëngjes me postimet tona të zakonshme, por edhe postime gjatë ditës herë pas here sipas nevojës./Meteoballkan
