Java që kemi hyrë do të karakterizohet me mot kryesisht stabil, me dominim kryesisht anticiklonik mbi rajonin tonë, por me tendenca të depërtimit të disa fronteve të dobëta, të ftohta ajrore nga veriu i Kontinentit. Temperaturat në fillim të javës do të jenë relativisht të larta për këtë periudhë kohore dhe ato maksimalet pritet të sillën rreth 18 deri 20 gradë Celsius, ndërsa nga mesi i javës ato pritet të pësojnë ulje graduale.
Në mesjavë do të kemi një ciklon i cili nga Italia do të “ikë” direkt në drejtim të Greqisë. Ky ciklon nuk do të vijë tek ne, por mund të prekë ndoshta pak disa rajone të Shqipërisë dhe në përgjithësi impakti i tij pritet të jetë simbolik.
Ditën e Premte sipas ecurive aktuale sinoptike do të kemi një front të ftohtë ajror i cili mund të sjellë edhe reshje kalimtare, lokale shiu dhe ulje të lehta të temperaturave. Ky front do të vijë nga veriu i Kontinentit, por në përgjithësi kjo javë parashihet të jetë e thatë për shkak të dominimit të masave të thata ajrore anticikonike.
Në fundjavë pritet ekspansion i mëtutjeshëm anticiklonik nga Azoret në drejtim të Spanjës, Francës, Italisë dhe Gadishullit Ballkanik dhe me këtë nënkuptojmë mot kryesisht stabil, të thatë dhe relativisht të nxehtë.
Ishin këto tendencat më të fundit meteorologjike për motin mbi rajonin tonë me theks të veçantë gjatë kësaj jave. Nëse eventualisht do të kemi ndonjë ndryshim ne tu njoftojmë në postimet tona të përditshme/Meteoballkan