Një burrë rreth 60 vjeçar nga rrethina e Bujanovcit në Kosovën Lindore është kafshuar nga gjarpri më helmues në Evropë dhe Ballkan, e ashtuquajtura Vipera Ammodites, një nepërkë helmuese e trojeve tona e cila në gjuhën tonë quhet edhe hundrak.
Burri 60 vjeçar ishte duke pushuar në oborrin e tij. Ai kishte parë viperën në oborr dhe nuk e kishte ditur se ajo ishte helmuese. Ai kishte dashur ta kapte gjarprin dhe ta kthejë në habitatin e tij në pyll dhe me këtë rast ishte kafshuar. Vipera nuk ishte e rritur dhe viktima e merr me vette në spital. Pas trajtimit në Shtëpinë e Shëndetit në Vranjë pacienti nuk ishte në rrezik për jetën.
Pacienti me vete mer edhe gjarpërin helmues sigurisht për t’u identifikuar nga mjekët në mënyrë që të mos ketë dyshime. Ai pastaj e la krijesën të lirë në natyrë.
Kafshimet nga nepërka mund të jenë me pasoja nëse kalojnë pa u kuruar, madje në raste ekstreme ato mund të shkaktojnë fatalitet. Helmi i neperkes dëmton qarkullimin e gjakut dhe pacienti mund të ketë gjakderdhje të brendshme, prandaj këshillohet që i kafshuari nga ky lloj i gjarpërit të lajmërohet menjëherë te mjeku./MeteoBallkan
