Kalimi nga lëndët djegëse fosile në energjinë e rinovueshme mund t’i kursejë botës deri në 12 trilionë dollarë deri në vitin 2050, thotë një studim i Universitetit të Oksfordit, shkruan BBC.
Raporti vuri theksin se ishte e gabuar dhe pesimiste të pretendohej se lëvizja e shpejtë drejt burimeve më të pastra të energjisë ishte e shtrenjtë.
Çmimet e gazit janë rritur për shkak të shqetësimeve në rritje për furnizimet me energji.
Por studiuesit thonë se blerja tani ka kuptim ekonomik për shkak të rënies së kostos së burimeve të rinovueshme.
Gjetjet e raportit bazohen në shikimin e të dhënave historike të çmimeve për burimet e rinovueshme dhe lëndët djegëse fosile dhe më pas në modelimin se si ato ka gjasa të ndryshojnë në të ardhmen.
Të dhënat për lëndët djegëse fosile shkojnë nga viti 2020 më shumë se 100 vjet më parë dhe tregojnë se pas llogaritjes së inflacionit dhe paqëndrueshmërisë së tregut, çmimi nuk ka ndryshuar shumë.
Burimet e rinovueshme kanë ekzistuar vetëm për disa dekada, kështu që ka më pak të dhëna. Por në atë kohë, përmirësimet e vazhdueshme në teknologji kanë bërë që kostoja e energjisë diellore dhe erës të ketë rënë me shpejtësi, me një normë që i afrohet 10% në vit.
Pritshmëria e raportit që çmimi i burimeve të rinovueshme do të vazhdojë të bjerë bazohet në modelin “probabilist”, duke përdorur të dhëna sesi investimet masive dhe ekonomitë e shkallës i kanë bërë më të lira teknologjitë e tjera të ngjashme.
Era dhe dielli janë tash opsioni më i lirë për projektet e reja të energjisë, por mbeten pyetje se si të ruhet më së miri energjia dhe të balancohet rrjeti kur ndryshimet e motit çojnë në rënien e prodhimit të burimeve të rinovueshme./Koha.net
