Të enjten në Kosovë pritet të kemi mot me vranësira dhe mundësi për intervale të shkurtra kohore me diell. Nganjëherë presim intervale reshjesh afatshkurtra shiu sidomos në mëngjes dhe vonë pasdite apo në mbrëmje.
Temperaturat pritet të lëvizin nga 4 minimalja deri në 11 gradë Celsius ajo maksimale.
Në Shqipëri të enjten pritet të mbajë mot me vranësira e intervale kohore me diell, por me intensifikim të rrebesheve të shiut sidomos orëve të pasdite dhe mbrëmjes. Në viset më të larta malore do të ketë fjolla bore.
Reshje të herëpashershme shiu të enjten pritet të ketë edhe në Maqedoninë e Veriut, Luginë të Preshevës dhe Mal të Zi duke u fuqizuar orëve të mbrëmjes.
Reshje pak më të shpeshta shiu priten të Premten dhe të Shtunën në të gjitha viset. Temperaturat do të fillojnë të pësojnë ulje graduale, por pa ndonjë të ftohtë që vlen të theksohet. Fjolla bore priten vetëm në malet më të larta. Të dielën reshjet do të jenë më të pakta dhe më të izoluara./MeteoBallkan
