Temperatura mjaft të larta verore kanë prëfshirë sot pjesë të Evropes perëndimore dhe qendrore. Përderisa dje më së nxehti ishte në Francë, sot kjo nxehtësi është zhvendosur drejt Gjermanisë me qendër, pastaj drejt shteteve përreth dhe Skandinavisë. Vetëm veriu i skajshëm Evropës është mjaft i freskët.
Freskët është edhe në lindje të Evropes, por edhe këndje temperaturat kanë filluar të rriten ndjeshëm. Kjo masë e freskët nga lindja dhe juglindja e Evropes po ndikon edhe tek ne duke mos lejuar rritjen rapide të temperaturave.
Sidoqoftë, në bregdetin malazez sot temperatura ka shënuar 33 gradë Celsius, ndërsa në kontinent është më freskët.
Në Gjermani temperaturat kanë arritur deri në 35 gradë Celsius dhe për shkak të dendësisë së ajrit ndjesia subjektive e nxehtësisë vende-vende është deri në 40./Meteoballkan