Numri i njerëzve të vdekur në stuhinë e fuqishme që ka goditur gadishullin grek të Halkidiki është rritur në shtatë, ndërkohë që numri i të lënduarve shkon mbi 100.
Gjithashtu u publikuan edhe fotografitë e para të Halkidiktit të marra nga ajri,ku gjithçka duket e shkatërruar. Zëdhënësi i qeverisë greke Stelios Pecas tha se ndihma financiare do t’u ofrohet tre komunave në Halkidiki për rindërtim.
Karalambos Sterijadis, Drejtor i Mbrojtjes Civile në Greqinë Veriore, e përshkroi stuhinë si “një fenomen të pashembullt”.
Gjatë natës zjarrfikësit morën më shumë se 600 thirrje për ndihmë. Një dëshmitar okular i tha televizionit ERT se stuhia zgjati vetëm 20 minuta.
Telefonat dhe interneti janë ndërprerë në ishullin e popullarizuar në mesin e turistëve.