Policia ka shpëtuar 4 pushues në Velipojë të cilët po mbyteshin.
Ata janë futur për t’u larë në det, por për shkak të dallgëve kanë rrezikuar jetën.
Pushuesit kanë kërkuar ndihmën e qytetareve të tjerë dhe këta të fundit kanë njoftuar policinë. Uniformat blu kanë bërë të mundur nxjerrjen në breg të shtetasve:
Bajram Abazi 43
Avni Jakupi 41
Gezim Krasniqi 33
Lindita Tolaj 39 vjeç .
Siç raporton TCH, për dy prej tyre ka ndërhyrë shërbimi mjekësor për shkak të gjendjes së rëndë ,por fatmirësisht tashmë janë jashtë rrezikut për jetën.
Në këtë sezon veror, problem për Velipojën është mungesa e rojeve bregdetare.
