Banorëve të fshatit Brienz të Zvicrës u ka ardhur vendim i prerë për t’u larguar menjëherë nga vendbanimet e tyre.
Urdhri i prerë ka ardhur nga autoritetet të cilat ka kohë që kanë vlerësuar se mali shkëmbor, buzë të cilit shtrihet fshati Brienz, rrezikohet të shembet nga momenti në moment.
Ky vendim nuk ka qenë befasues për rreth 70 banorët e këtij fshati, shkruan BBC, transmeton Indeksonline.
Brienz është fshat i ndërtuar në tokë që zbret drejt luginës, dhe kjo ka bërë që muret e ndërtesave të çahen shumë shpesh.
Gjeologët paralajmëruan se lëvizja e shkëmbinjve po përshpejtohej. Një pjesë e sipërfaqes së shkëmbit, deri në vitin 2023 ka rrëshqitur me shpejtësi prej 32 metrash çdo vit.
Evakuimi i banorëve të fshatit ishte planifikuar të ndodhte më vonë gjatë verës.
Mirëpo, vlerësimet e fundit kanë treguar se është e pashmangshme rrëshqitja e një guri të madh nga ky shkëmb, gjë që parashikon të rrezikojë banorët.
Sipas gjeologëve, 2 milionë metra kub nga ky shkëmb pritet të bien në shtatë deri 24 ditët në vijim.
Sa i përket banorëve, shumica e tyre janë akomoduar në fshatrat fqinjë, por kjo nuk është zgjidhje e përhershme.
