Siç po shihet në imazhin satelitor sot në tërë rajonin tonë po mbanë mot i kthjellët, pas asnjë vranësirë dhe i nxehtë. Temperaturat kanë shënuar ngritje të theksuar dhe ajo maksimalja ka arritur deri në 36 gradë celsius në nivel rajonal.
Kjo vjen si rezultat i masave të thata ajrore anticiklonike të cilat na sigurojnë mot stabil dhe me diell. Gjithashtu kemi edhe masat e nxehta me origjinë nga Afrika Veriore të cilat po shtyhen në drejtim të rajonit tonë nga frontet e Atlantikut që kanë përfshirë Evropën. Mot i ngjashëm do të mbajë edhe nesër me ngritje të mëtutjeshme të temperaturave ku ajo maksimalja mund të arrijë deri në 40 gradë celsius në nivel rajonal.
Një front i ftohtë ajror nga Evropa do të shkaktojë destabilizim të pjesshëm të atmosferës të mërkurën pasdite kur priten rrebeshe lokale shiu me vetëtima dhe bubullimë. Bregdeti nuk pritet të preket nga këto fronte për shkak të anticikloneve nga Mesdheu.
