Evropa është në pritje të goditjes mjaft të fuqishme dimërore në fillim të muajit Maj. Mas ajrore Arktike do të zbarkojë në Skandinavi dhe nga aty do ti drejtohet direkt Evropës, bujqësia dhe pemëtaria e së cilës është në vlugun më të madh të vegjetacionit dhe zhvillimit. Shtetet Skandinave janë të mësuara me këto lloj goditjesh të vonshme dimërore, mirëpo kjo po shkakton kokëqarje të madhe në Evropë.
Shtetet të cilat pritet të goditën më së shumti janë Gjermania, Franca, Zvicra, Austria, Çekia, Sllovakia dhe Polonia. Këto shtete i potencuam sepse me ardhjen e ajrit arktik pritet edhe kthjellimi i motit në këto pjesë të Evropës dhe në këtë mënyrë acari është i paevitueshëm. Prandaj janë duke u bërë përgaditje të mëdha për ruajtjten e kulturave bujqësore dhe pemëtarisë. Goditja arktike do të përfshinë edhe Slloveininë ,Kroacinë, Bosnën dhe Hercegovinën, Serbinë, Malin e Zi, Kosovën, pjesë të Shqipërisë, Maqedoninë e Veriut, Greqinë, Bullgarinë dhe Rumaninë. Në të gjitha viset kodrinore-malore të këtyre shteteve priten reshje të dendura bore, kurse në Slloveni, Kroaci dhe Bosnë reshjet e borës do të paraqiten edhe në viset e ulëta.
Edhe në viset kodrinore-malore të Kosovën dhe Shqipërisë do të ketë reshje bore. Në Kosovë reshjet e borës mund të paraqiten edhe në disa qytete, por fatbardhësisht nuk ka rrezik të madh për acar sepse do të kemi vranësira dhe erëra.
Në fund të potencojmë se në Kosovë nga e shtuna priten reshje të reja shiu të cilat do të jenë pak më të dendura se ditëve të kaluara, kurse nga e hëna pritet përkeqësim i motit me reshje shiu, erëra veriore, reshje bore në viset kodrinore-malore. Reshje më intensive priten në Shqipëri ku vende-vende do të ketë edhe rrebeshe të fuqishme shiu me vetëtima, bubullimë dhe breshër. Reshje të dendura shiu priten edhe në Maqedoninë e Veriut./Meteoballkan
