Brezovica po vazhdon të jetë zgjedhja për fundjavë e shumë qytetarëve.
Këtë të shtunë për shkak të numrit të madh të atyre që ia kanë mësyrë kësaj bjeshke është krijuar kolonë e gjatë rrugës, njofton Klan Kosova.
Një lexues i portalit i ka dërguar disa fotografi të veturave nga vendi i ngjarjes derisa tregoi se vetë në kolonë është që dy orë.
Autoritetet kanë bërë thirrje që të mos ketë grumbullime në Brezovicë për shkak se s’po mund të respektohen masat kundër pandemisë. Por, kjo po shihet se zor do të zbatohet meqë çdo vikend fotografitë tregojnë për grumbullime atje.