Nata është gjithmonë e mbushur me të panjohura dhe befasi. Befasia e fundit është zbulimi i fundit i kometës C/2019 Y4 ATLAS.
Kometa ATLAS, ishte zbuluar më 28 dhjetor nga Sistemi për Survejim të Impaktit Tokësor nga Asteroidët (ATLAS) në Hawaii. Ky është një sistem astronomik për paralajmërim të hershëm, i dizajnuar të detektojë objektet e vogla disa ditë apo javë më parë para se ato të kalojnë rreth Tokës apo të përplasen me të, shkruan MeteoBallkan.
Kjo kometë ka marrë vëmendje të madhe së fundmi, shkruan Sewere Weather Europe, për arsye se ka filluar të ndriçojë me shpejtësi, duke tejkaluar të gjitha parashikimet. Kometa është gati-se-parabolike dhe ka orbitë të ngjashme me Kometën e Madhe të vitit 1884. Kjo ka shtyrë astronomët të besojnë se, kometa C/2019 Y4 ATLAS, ka mundësi të jetë një fragment i Kometës së Madhe.
Fotografia më poshtë është kapur nga Rolando Ligustri (CARA Project), nga një observator në New Mexico. Mund të shini kometën ATLAS në pjesën e sipërme nga ana e majtë, duke ndriçuar me shkëlqim intensiv, shkruan MeteoBallkan.
Aktualisht, kometa është në nivelin e 8 të magnitudës së shkëlqimit. Kjo do të thotë se kometa nuk mund të shihet ende me sy, por mund të shihet me teleskopë të vegjël edhe pse jo shumë qartë.
Është e ditur se kometat bëhen më të ndriçueshme kur i afrohen Diellit. Kjo kometë po ndriçon 600 herë më shumë se që ishte parashikuar në dhjetor. Një befasi tjetër është madhësia e kometës që mund të shihet në qiell, duke e pasur parasysh distancën e saj të largët.
Tanimë, secili po e vret mendjen se sa ndriçuese do të jetë kometa kur të afrohet më afër Diellit, por parashikimi i saktë duket goxha i pamundur tani.
Ku ta gjeni kometën ATLAS? Nga janari në mars 2020, kjo kometë gjendet në konstelacionin e Arushës së Madhe, që është një lokacion i përshtatshëm për ta observuar nga Hemisfera Veriore. /MeteoBallkan/
Fotografia më poshtë është kapur nga NASA pak ditë më parë:
Burimi: Sewere Weather Europe
