Kompania zvicerane Novartis do të dhurojë miliona doza të ilaçit “Hydroxychloroquine”, i cili përdoret për kurimin e malarias, por është dëshmuar efikas edhe në luftimin e virusit COVID-19.
Deri tani kundër virusit korona nuk ka ndonjë ilaç specific apo vaksinë, por Universiteti i Minesotës ka bërë mbi 1,500 teste te “Hydroxychloroquine”, për të parë nëse ky bar mund të preventojë agresivitetin e virusit.
Novartis është kompania që e prodhon këtë ilaç, i cili po ashtu përdoret edhe për trajtimin e artritit. Kompania farmaceutike ka thënë se planifikon t’i dhurojë 130 milionë doza të ilaçit, dhe se është në bisedime me Administratën e Ilaçeve dhe Ushqimit të SHBA-së për zgjerimin e përdorimit të barit kundër koronavirusit.
“Novartis është duke mbështetur testet klinike dhe do të vlerësojë nevojat shtesë për teste të njëjta”, thuhet në një deklaratë.
Presidenti amerikan, Donald Trump, ka thënë në një konferencë shtypi se është optimist se bari që përdoret kundër malariës do të jetë efektiv edhe kundër COVID-19. /MeteoBallkan
