E kemi fjalën për javën e ardhshme pra nga dita e Martë sesse deri të Martën po e dijmë se çfarë moti na pret. Nga e marta e tutje kemi të dhëna krejtësisht kontradiktore dhe për këtë arsye nuk ka asnjë person dhe asnjë meteorolog që mund të jap parashikim të saktë.
Modeli GFS jep ciklon në Mesdhe me reshje të dendura bore, erëra të fuqishme veriore dhe ulje të temperaturave, kurse modeli tjetër ECMWF jep gjithashtu ciklon në Mesdhe por për dallim nga GFS ky model jep reshje shiu dhe erëra të fuqishme jugore. Pra ky është dallimi: pozicionimi i ciklonit sipas GFS do të jetë në jugun e Adriatikut, pastaj në Detin Jon e deri në Greqi kurse sipas ECMWF qendra ciklonike do të jetë në Adriatikun Verior me shtrirje në drejtim të Italisë Veriore dhe Francës.
Cikloni në Italinë Veriore do të tërhiqte masat ajrore të nxehta në drejtim të rajonit tonë (ECMWF) kurse cikloni me qendër në Detin Jon dhe Greqi do të tërhiqte masat e ftohta nga veriu. Se cili variant do të triumfojë do ta dijmë nesër ose ndoshta deri pasnesër/ Meteoballkan.
