Në Elbasan po zhvillohet mbledhja e përbashkët e dy qeverive, të Shqipërisë dhe Kosovës ku janë firmosur disa marrëveshje mes palëve për të lehtësuar lëvizjen qytetarëve në të dy anët e kufirit. Për të kontrolluar zbatimin e këtyre marrëveshjeve, Albin Kurti dhe Edi Rama u shprehën se “kemi caktuar një koordinatorë të përbashkët”.
Ministri i Brendshëm Bledi Çuçi shpjegoi tre marrëveshjet e arritura.
Çuçi shtoi më tej se janë duke punuar që para sezonit të verës të mundësojnë lehtësimin e qarkullimit në pikat kufitare. Ai tha se po vendosin një sistem kamerash, me qëllim që të mos bëhet ndalimi i mjeteve.
“Kemi sjellë një paketë që ka krijuar një mjedis tjetër, pa pasur nevojë për burokracira shtesë. Nuk është pjesë e marrëveshjes, por me kërkesa të dy kryeministrave, kemi marrë masat dhe nuk do të presim sezonin e verës për të lehtësuar qarkullimin. Do të vendosim një sistem kamerash në kufi dhe qarkullimi do të bëhet pa ndalim. Çdo gjë do të jetë automatike pa pasur nevojë të ndalojë fare në kufi. Kemi bërë edhe planin e punës dhe do të jetë shumë më shpejt se fillimi i sezonit.