Përderisa në Kosovë kanë depërtuar temperatura mjaft të freskëta dhe vende-vende po bije edhe shi në shumë pjesë të Shqipërisë ende është nxehtë dhe me diell, por kjo nuk do të zgjasë shumë.
Temperaturat janë ulur edhe në Shqipërinë verilindore, Mal të Zi dhe Maqedoninë Veriore poashtu. Tani në Detin Adriatik kemi një sistem të fuqishëm frontal me rrebeshe shiu me vetëtima dhe bubullimë dhe pikërisht ky sistem është duke avansuar gradualisht në drejtim të Shqipërisë.
Pra, Shqipëria orëve në vazhdim do të përfshihet nga rrebeshe shiu me vetëtima dhe bubullimë. Rrebeshet vende-vende mund të jenë të fuqishme. Rrebeshet e shiut do të ulin temperaturat e larta që po mbizotërojnë në Shqipëri një kohë mjaft të gjatë./Meteoballkan
