Në këtë muaj, në vitin 1974, 148 tornado të njohura së bashku si super shpërthimi shkaktuan kërdi në 13 shtete të Amerikës.
Të paktën 148 tornado goditën 13 shtete nga Bregu i Gjirit në Liqenin e Madh gjatë një periudhe 16 orëshe nga pasdita e 3 prillit 1974 në orët e hershme të mëngjesit të 4 prillit të vitit 1974. Kur çdo gjë mbaroi treqind e tridhjetë e pesë vetë humbën jetën dhe më shumë se 6,000 të tjerë u lënduan, sipas Shërbimit Kombëtar të Motit.
Stuhitë shkatërruan ose dëmtuan mijëra shtëpi. Tornadot janë vdekjeprurëse, dhe ato janë vështirë të parashikohen edhe sot, shkruan Brian Clark Howard për National Geographic.
Ajo që ndodhi në vitin 1974 ishte një “super shpërthim”, sepse tri kushte të ndryshme të motit u përplasën, shkruan John Galvin duke shkaktuar një numër të panumërt të uraganeve që ndodhën pranë njëri-tjetrit në një periudhë të shkurtër kohore. Edhe pse ishte e tmerrshme, shkruan ai, super shpërthimi “solli sistemin modern të matjeve të tornadove dhe vetëdijen për tu përgatitur paraprakisht për këso lloj shkatërrimesh”.
Në vitin 1974, parashikuesit e Shërbimit Kombëtar të Motit ende përdornin pajisjet e epokës së viteve 1950 për të parashikuar kushtet e motit ekstrem.
Në Shtetet e Bashkuara, tornadot goditën Illinois, Indiana, Michigan, Ohio, Kentucky, Tennessee, Alabama, Gjeorgia, Karolinën e Veriut, Virxhinia, Virxhinia Perëndimore dhe Nju Jorkun.
