Ashtu siç paralajmëruam dy tre ditë më parë pas disa ditëve mjaft të mira dhe të këndshme pranverore pritet rikthimi i të ftohtit rus përsëri. Moti i mirë dhe i këndshëm do të zgjasë deri të enjtën, kurse nga e enjta do të kemi fillimin e përkeqësimit të motit.
Kjo do të vijë si pasojë e zhvendosjes së Anticiklonit të fuqishëm në drejtim të Skandinavisë ku si pasojë në periferinë e këtij anticikloni do të hapen rrugët për ajrin e ftohtë rus të depërtojë në drejtim të rajonit tonë. Gjithashtu do të kemi edhe reshje atmosferike, ku fillimisht do të kemi reshje shiu të cilat do të shndërrohen shpejt në reshje bore. Po ashtu do të kemi edhe erëra mesatarisht të fuqishme veriore. Sipas ecurive aktuale reshje intensive nuk priten por kjo mund të ndryshojë dhe për çdo ndryshim eventual do të lajmërojmë me kohë në faqen tone./Meteoballkan
