Disa ekspertë meteorologjik të rajonit u nguten me deklarata se në mes të Korrikut presim stuhi të forta shiu dhe ulje të temperaturave, megjithatë kjo vështirë që mund të ndodhë bazuar në ecuritë më të fundit sinoptike.
Vlenë të përmendet deklarata e një eksperti ballkanas i cili theksoi se stuhitë shumë të fuqishme superqelizore do të rikthehen në Ballkan në mes të Korrikut dhe do të ketë ulje të mëdha të temperaturave, por kjo nuk pritet të ndodhë. Të paktën nuk do të ndodhë ulja e temperaturave, ngase stuhi mund të ndodhin fare lehtë.
Faktikisht stuhitë lokale mund të kthehen, ngase mjafton një dozë e vogël e ajrit jo-stabil nga Atlantiku ose Mesdheu dhe atmosfera mund të “eksplodojë” me zhvillime të mëdha konvektive, por temperaturat nuk do të ulen. Të gjithë po e shohim motin shumë të paqëndrueshëm në Evropë dhe ndonjë front mund të kaloi pengesat anticiklonike dhe të vije në Ballkan, por bazuar në shumicën absolute të modeleve në parashikimet e tyre të fundit temperaturat do të mbesin shumë të larta edhe nëse ndodhë ndonjë freski afatshkurtër shkaku i ndonjë zhvillimi eventual konvektiv.
Pra, para nesh një valë e gjatë e nxehtësisë verore, plotësisht normale edhe pse mund të ndodhë ndonjë ekstrem, por jemi në mes të stinës më të nxehtë të vitit. Nxehtësia mund të ndërpritet shkurtimisht ndonjë ditë për shkak të ndonjë stuhie eventuale, por kjo mund të ndodhë vetëm në disa pjesë të territoreve tona.
Sidoqoftë, ne do të mundohemi të jemi sa më aktiv dhe të përcjellim ecuritë sinoptike. Bazuar në parashikimet afatgjata ulje të temperaturave mund të presim afër dates 20 Korrrik, por kjo është vetëm një sinjal që mund të largohet me evoluimin e gjendjes sinoptike ose eventualisht mund të forcohet.
Ky mot është plotësisht normal dhe ata që janë entuziastë të vapës verore i presin ditë shumë të mira, kurse ata që nuk e durojnë dot vapën e madhe verore duhet të kujdesen orëve të mesdites./MeteoBallkan
