Në përgjithësi për territorin e Kosovës vazhdon trendi i thatësisë gjatë këtyre ditëve me deficit të madh të reshjeve atmosferike. Siç po shihet në fotografinë kryesore reshje mjaft të dendura shiu ditëve të ardshshme priten përgjatë gati tërë Mesdheut perëndimor dhe qendror për shkak të dinamikës së fuqishme ciklonike të atmosferës në këto rajone. Këto reshje nuk po depërtojnë në territoret tona për shkak të se në Kontinent gjenden masa të fuqishme ajrore anticiklonike të cilat pengojnë lagështinë e Mesdheut të arrijë te ne.
Sidoqoftë, nga e diela pritet që në bregdetin shqiptar të ketë reshje shiu, ndërsa riga krejt simbolike lokale priten në Kosovë dhe Maqedoninë Veriore. Edhe të hënën reshje pak më intensive priten në Shqipëri, ndërsa mund të ketë ndonjë interval me shi edhe në disa pjesë të Kosovës dhe Maqedonisë, por nuk priten reshje aq shumë të nevojshme. Bazaur sipas ecurive aktuale sinoptike reshje pak më intensive në territorin e Kosovës dhe Maqedonisë së Veriut priten të Premtën me datën 19 Nëntor, por kjo periudhë është e gjatë dhe sasia e reshjeve eventuale mund të ndryshojë. Në fund të mbetemi me shpresë për ndonjë befasi nga Mesdheu gjatë ditëve të ardshshme, ngase mund të ndodhë që ndonjë sasi nga lagështia e Mesdheut të mund të kalojë “barrierat” antciklonike dhe të arrijë edhe tek ne. Për çdo të “papritur” eventuale do të njoftoheni në postimet tona të përditshme./MeteoBallkan
