Gjendja sinoptike në të cilën ndodhemi është e rrallë, megjithatë nuk është asgjë e pazakonshme dhe në aspektin meteorologjik plotësisht normale.
Në rajonin tonë këto ditë dominojnë rrymime të fuqishme ajrore nga lindja të cilat kanë sjellë grimca pluhuri nga shkretëtirat e Azisë Qendrore dhe për këtë arsye edhe është ftohtë edhe kemi grimca pluhuri. Po të kishim rrymime ajrore nga jugu atëherë moti do të ishte i nxehtë dhe grimcat e pluhurit do të na vinin nga Afrika Veriore.
“Përgjegjësi kryesor” për këtë është gjendja sinoptike e cila po mbretëron këto ditë. Në Evropen Qendore dhe lindore kemi anticiklon të fuqishëm, kurse në Mesdhe, gjegjësisht në jug të Italisë kemi ciklon po ashtu të fuqishëm dhe kjo gjendje sinoptike favorizon rrymimet e fuqishme ajrore nga lindja.
Këto rrymime ajrore ndërlidhën mes veti duke filluar që nga Azia Qendrore, Kazakistani. Uzbekistani, Turkmenistani, mes përmes Liqenit Kaspik në drejtim të jugut të Rusisë, Ukrainës, Karpateve-Rumani, Bullgarisë, Serbisë, Kosovës etj.
Grimcat e pluhurit nga Shkretëtirat e Azisë (Krakamun dhe Kizilkum)përpos rajonit tonë kanë depërtuar edhe në Evropë.
Këto grimca pluhuri do të jenë prezente edhe nesër në Kosovë dhe nga pasnesër do të fillojnë të tërhiqen gradualisht sepse do të kemi depërtimin e rrymimeve ajrore nga veriperëndimi dhe këto rrymime ajrore do të pastrojnë ajrin dhe gjithashtu do të na sjellin edhe shiu dhe mundësi edhe për reshje bore të mërkurën në Kosovë.
Vlen të theksohet se këto grimca shumë më pak kanë prekur Shqipërinë.
Imazhet nga: Ventusky dhe Windy
