Edhe dy ditë pritet ti kemi kryesisht stabile dhe me intervale të gjata kohore me diell. Vranësirat pritet të jenë të pakta, ndërsa temperaturat pritet të shënojnë ngritje. Megjithatë nesër (e mërkurë) priten erëra të freskëta veriore dhe verilindore. Të enjtën mot më i qetë, ndërsa të premtën më ngrohtë.
Pikërisht të premtën kur pritet të jetë ngrohtë nga veriperëndimi i Kontinentit pritet të depërtojë një front i ftohtë ajror i cili përmbanë ajrin jo-stabil. Për këtë arsye të premtën pasdite në Kosovër priten zhvillime të fuqishme lokale të vranësirave të cilat përpos reshjeve të shiut, mund të kushtëzojnë edhe rrebeshe lokale të shiut me vetëtima dhe bubullimë. Normalisht, kjo pastaj shkakton ulje të temperaturave, por para reshjeve do të jetë mjaft ngrohtë.
Sipas parashkimeve (nëse realizohen normalisht) të premtën pritet të jenë rrebeshet e para pranverore ose verore me vetëtima dhe bubullimë karakterikstikë këto të motit të nxehtë, megjithatë pas rrebesheve dhe shiut të së shtunës priten ulje të theksuara të temperaturave, madje në disa rajone mund të ketë edhe reshje bore./Meteoballkan
