Sot në Kosovë do të mbajë mot kryesisht i vranët dhe mjaft i ftohtë me erëra të ftohta dhe mesatarisht të fuqishme veriore. Vende-vende priten reshje të herëpashershme bore. Nuk priten reshje të mëdha, por të dobëta dhe lokale. Në mbrëmje dhe natën e ardhshme do të jetë acar.
Në Shqipëri, Maqedoni dhe Mal të Zi mot i vranët, vende-vende me intervale kohore me diell por mjaft i ftohtë. Acari do të jetë i fortë në tërë rajonin natën e ardhshme dhe mëngjesin e së mërkurës por nuk pritet asgjë ekstreme.
Nga dita e mërkurë do të kemi ngritje të lehta të temperaturave në tërë rajonin, kurse nga e enjta priten ngritje të mëtutjeshme të temperaturave. Nga dita e Premte në shumë rajone të Shqipërisë priten reshje shiu, kurse në viset malore reshje bore. Në rajonet tjera (Kosovë, Maqedoni) do të mbajë kryesisht thatë deri të shtunën kur priten reshje të lehta shiu vende-vende, kurse në viset malore reshje të lehta bore.
Informacione dhe detaje tjera në postimet tona të ardhshme./Meteoballkan
