Deri tash, skijimi mbi çatitë e hoteleve ka qenë i rezervuar për James Bondin ose budallenjtë e dehur. Sidoqoftë, kjo do të ndryshojë kur hoteli “Audemars Piguet” t’i hapë dyert në Zvicër.
Në këtë hotel, i cili pritet të hapet në vitin 2020, mysafirët do të kenë mundësi që të lëshohen me skitë e tyre nëpër çatinë e hotelit dhe të dalin menjëherë në pistën e skijimit. Dizajni ambicioz, i bërë nga arkitektët e kompanisë “Bjarke Ingels Group”, e përshtat kulmin e ndërtesës në mënyrë të padukshme me terrenin e mbuluar me borë në Zvicrën perëndimore.
Hoteli i emërtuar sipas emrit të prodhuesit të orëve luksoze do të jetë afër një muzeu, i cili do të përdoret për t’i shfaqur disa orë klasike të këtij prodhuesi. Brenda këtij hoteli do të ndërtohen dy restorante, një kafene, një qendër me ujë të ngrohtë dhe një qendër konferencash, shkruan “CNN”, transmeton Gazeta Express.
