Gëzimi më i madh, befas kthehet në tragjedi. Rasti fatkeq i ndodhi një çifti në Kinë kur dhëndri po pozonte për fotot para dasmës me të fejuarën e tij në një zonë piktoreske. Në një moment ai u godit nga rrufeja dhe vdiq në vend.
Mali i borës së Jade Dragon në Lijiang, provincën Yunnan, është i famshëm për peizazhet e tij dhe tërheq shumë vizitorë, megjithatë është dhe tepër i rrezikshëm, pasi është i ekspozuar.
Viktima, i quajtur në raportet lokale si Ruan, po merrte pjesë në një fotosesion në Spruce Meadow, një vend piktoresk i famshëm për gjelbërimin dhe sfondin malor të mbuluar me borë.
Edhe pse moti ishte i keq, çifti vendosi të vazhdonte me fotografitë, por pak pas orës 13:30 Ruan u godit nga një rrufe. Njerëzit që qëndronin mjaft afër Ruanit mbetën të padëmtuar.
Shërbimet e urgjencës lokale mbërritën shpejt në vendngjarje dhe morën Ruanin, ku u konfirmua se ai kishte vdekur.
Autoriteti lokal i motit kishte lëshuar një alarm të verdhë për bubullima dhe rrufe. Rreth 1200 njerëz vdesin nga rrufetë çdo vit në Kinë.
