Se sa e komplikuar dhe interesante është dhe do të jetë gjendja sinoptike në Evropë këto ditë dhe ditëve të ardhshme na tregojnë edhe këto ilustrime të fotografive të bëra nga meteorologët evropianë. Në Veri të Atlantikut kemi masat ajrore të ftohta dhe jo stabile të cilat përpiqën të depërtojnë në drejtim të Evropës Qendrore dhe Gadishullit Ballkanik.
Në Gadishullin Iberik kemi anticiklonin e Azoreve i cili do të sigurojë mot stabil dhe relativisht të nxehtë këtij rajoni. Në anën tjetër Në Oqeanin Atlantik afër Ishujve Britanik kemi një ciklon të fuqishëm i cili vazhdimisht tenton të depërtojë në drejtim të Evropës. Në lindje kemi pasat ajrore të acarta të cilat përpiqën të depërtojnë në drejtim të Evropës Qendrore dhe Gadishullit Ballkanik. “Lufta” në mes të këtyre masave ajrore do të jetë konstante ditëve të ardhshme në Kontinentin Evropianë dhe Gadishullin Ballkanik. Për këtë arsye do të kemi ndryshime të shpeshta të temperaturave nga relativisht të larta në të ftohta dhe anasjelltas. Gjithashtu do të kemi edhe reshje të shpeshta shiu dhe bore të cilat varësisht nga temperaturat do të bijnë në fromë shiu ose bore.
Pra, në fund dua të theksojmë se asnjë masë ajrore nuk do të dominojë, pra nuk do të kemi as dimër të madh por as mot stabil, nuk do të kemi as nxehtësi por as acar të madh. Do të kemi të reshura atmosferike të cilat do të shëndrrohen nga shiu në borë dhe anasjelltas varësisht nga lëvizjet e masave ajrore. Në Evropës Qendrore, Linodre dhe Veriore si dhe në rajonet Alpine do të kemi reshje të dendura bore, kurse në Evropën perëndimore reshjet do të jenë shi-borë, borë shi. Ngjashëm do të jetë edhe në Gadishullin Ballkanik por nga e Hëna pritet që temperaturat siberike të “triumfojnë”për një kohë por jo gjatë.
Me detaje tjera do tju informojmë në postimet tona të ardhshme sepse koha e ndryshimit të motit po afron. Sa më i afërt parashikimi është më i saktë, ndërsa sa më i largët ekziston mundësia për ndryshime./Meteoballkan.
