Modelet kanë shtuar sasinë e reshjeve në territoret tona nga ciklone të reja dhe të njëpasnjëshme që po krijohen e zhvillohen në Mesdhe.
Reshjet e fuqishme të ditëve të shkuara do ti shtohen edhe një sasi e konsiderueshme e reshjeve të reja që priten këto ditë dhe prurjet e reja të ujit mund të përkeqësojnë gjendjen me vërshimet sidomos në pjesën më të madhe të Shqipërisë, por duke mos anashkaluar edhe pjesë të Kosovës dhe Maqedonisë së Veriut.
Reshjet e dendura do të vijnë valë-valë pas pauzave, ndërsa në Kosovë pritet të intensifikohen sonte gjatë natës.
Njëkohësisht një sasi e kosiderueshme e ajrit të ftohtë polar po vjen në drejtim të Kosovës dhe kjo do të mundësojë reshje bore që pritet të fillojnë orëve të pasdites apo të mbrëmjes së të Enjtes. Priten reshje bore në shumë pjesë të Kosovës duke përfshirë edhe shumë ultësira, por jo të gjitha viset do të preken nga bora.
Reshje bore priten edhe në viset kodrinore-malore të Maqedonisë së Veriut dhe veri e verilindje të Shqipërisë.
E Premtja sjellë sipas të gjitha gjasave dobësim të reshjeve në Shqipëri dhe kjo do të jetë një lajm i mirë, por reshjet vazhdojnë në Maqedoninë Veriore dhe nganjëherë edhe në Kosovë. Në Maqedoni kryesisht shi, ndërsa në Kosovë në zonat më të ulëta mund të ketë shi, ndërsa në zonat mesatare dhe të larta reshje bore të herëpashershme dhe pritet të ketë edhe shi të ngrirë.
Një valë të re reshjesh bore në Kosovë mund të kemi të natën vonë të premten dhe mëngjesin e së shtunës ku mund të krijohen edhe shtresa bore të paktën sa për ta ditur se në cilën stinë po hymë.
Pra, Shqipëria, Maqedonia Veriore dhe Kosova pritet të përfshihen nga shira të reja sonte gjatë natës. Këto reshje atmosferike do të vazhdojnë deri të shtunën me ndërprerje të herëpashershme lokale, ndërsa në Kosovë pritet të përzihen me borë edhe në ultësira. Priten probleme të reja sepse toka edhe ashtu është e ngopur me ujë por të shpresojmë që problemet të mos jenë të mëdha./MeteoBallkan
