Aeroporti i Amsterdamit është bllokuar për disa orë si pasojë e një proteste të aktivistëve të klimës.
Aktivistët kishin pushtuar një pistë në aeroportin Schiphol, në përpjekje për të parandaluar ngritjen e avionëve privatë, në një nga veprimet e fundit që synon të tërheqë vëmendjen ndaj krizës klimatike.
Greenpeace Netherlands tha në një deklaratë se mbi 500 aktivistë nga Greenpeace morën pjesë në iniciativën e mbajtur në një nga aeroportet më të mëdha të Evropës.
Një zëdhënës i forcave të sigurisë në Schiphol nuk mund ta konfirmonte këtë shifër.
