Pas disa ditëve me vranësira dhe mot mjaft jostabil, duket se rrezet e diellit janë rikthyer në rajonin tonë. Siç po shihet në tërë rajonin sot është kryesisht kthjellët, normalisht ka disa vranësira vende-vende.
Nga sot rajoni ynë do të jetë nën ndikimin e masave ajrore kryesisht të thata anticiklonike dhe pritet stabilizim i motit. Gjatë ditës priten vranësira kalimtare por do të mbetet mot pa reshje atmosferike. Edhe pse do të jetë ende freskët krahasuar me periudhën kohore në të cilën jemi sidomos mbrëmjeve dhe mëngjeseve, gjatë ditës do të ndjehen dukshëm ngritjet e temperaturave.
Edhe në Evropë pritet stabilizim i motit dhe ngritje e temperaturave pas disa ditëve apo javëve me mot shumë të freskët dhe me shtrëngata të fuqishme./Meteoballkan
