Siç po shihet edhe në imazhet satelitore në tërë rajonin mëngjesi i sotëm fillojë me vranësira të shumta, kurse kthjellët ishte vetëm në gjysmën jugore të Shqipërisë.
Në orët e hershme të mëngjesit veriu i Shqipërisë u përfshi nga rrebeshe lokalisht të fuqishme shiu me vetëtima dhe bubullimë, ndërsa rrebeshe apo reshje shiu pati edhe në lokacione në Kosovë. Sot gjatë ditës ngritje e temperaturave sepse ende gjendemi nën ndikimin e masave të nxehta ajrore, ndërsa vende-vende priten zhvillime të fuqishme vranësirash me rrebeshe lokale shiu me vetëtima dhe bubullimë. Pasdite dhe në mbrëmje atmosfera gjithnjë e më jostabile në Kosovë, por prapëseprapë rrebeshet nuk do të jenë gjithëpërfshirëse. Nesër priten reshje gjithëpërfshirëse në tërë Kosovën sepse do të kemi kalimin e sistemit frontal dhe vorbullës ciklonike.
Rrebeshe të fuqishme shiu me vetëtima dhe bubullimë nesër priten edhe në Shqipëri dhe Maqedoninë e Veriut./Meteoballkan
