Sot në Kosovë pritet të kemi mot me diell dhe të ngrohtë në mesditë. Mëngjesi do të jetë i ftohtë dhe vende-vende me ngrica të dobëta. Temperaturat pritet të lëvizin nga 2 ajo minimale deri në 21 gradë Celsius ajo maksimale.
Në Shqipëri dhe tërë rajonin tonë pritet të mbajë mot me diell, stabil dhe i ngrohtë.
Edhe të mërkurën na pret mot i ngrohtë në mesdite dhe me kthjellime, ndërsa vranësirat shtohen në mbrëmje dhe atë fillimisht në Kosovë. Do të fillojnë të fryjnë erëra nga veriu dhe verilindja të cilat do të ndikojnë që të enjtën të ketë ulje të temperaturave ditore.
Të enjtën dhe të premtën vranësirat kalimtare largohen, por na pret mot pak më i ftohtë, me erëra të freskëta e të pak më të ftohta nga veriu e verilindja.
Nga e shtuna përsëri rritje e temperaturave, ngase erërat do të fillojnë të fryjnë nga jugu dhe perëndimi. Priten rreze diellore, por edhe vranësira të herëpashershme lokale./MeteoBallkan