Sezoni i stuhive Atlantike 2018 përfundoi zyrtarisht më 30 nëntor dhe do të mbahet mend më së shumti për uraganët Florence dhe Michael, të cilët shkaktuan dëme të konsiderueshme në SHBA-në juglindore. Gjithsej, sezoni prodhoi 15 stuhi, duke përfshirë tetë uragane prej të cilëve dy ishin “të mëdha” (Kategoria 3, 4 ose 5). Një sezon mesatar ka 12 stuhi, gjashtë uragane, dhe tri uragane më të mëdha, shkruan Al Jazeera, njofton MeteoBallkan.
Sezoni i stuhive Atlantike 2018 do të hyjë në librat e rekordeve për shkak të intensitetit të stuhive, rajoneve që u goditën dhe sasinë e shkatërrimit të shkaktuar.
Ndërkohë që shumica e stuhive të përmendura qëndronin në Atlantik ose në Karaibe, katër stuhi u vërsulën në Shtetet e Bashkuara; Alberto, Florence, Gordon dhe Michael. Por ishte Uragani Florence dhe Uragani Michael që lanë gjurmë vdekjeprurëse në të gjithë SHBA-të juglindore.
Pesëdhjetë e tre vetë humbën jetën në rajon dhe humbjet e parashikuara nga stuhia pritet të kalojnë 10 miliardë dollarë. Shkencëtarët po fajësojnë ndryshimin e klimës për intensitetin e shirave nga Florence, 50 për qind më shumë se sa normalisht pritej.
Më 10 tetor, Florisa ishte ajo që u bë nikoqir i Uraganit Michael. Michael bëri një ulje në afërsi të Meksikës, si një stuhi e fortë kategoria-4, duke e bërë atë një nga katër stuhitë më të forta që ka goditur ndonjëherë SHBA-të. Uragani Michael mori jetën e të paktën 49 njerëzve dhe dëmet materiale ishin të mëdha.
Komunitetet e Shteteve të Karolinës po vazhdojnë të rimarrin veten pas këtyre stuhive shkatërruese, por ndërsa faktet e ndryshimit të klimës bëhen më të qarta, shkencëtarët sugjerojnë se sezonet e ardhshme mund të mos shohin domosdoshmërisht më shumë stuhi, por ata presin që do të shohim stuhi më të forta. /Meteoballkan.com
