Shkencëtarët indianë po verifikojnë kraterin i cili u shkaktua nga një gur me ngjyrë kafe, sa një top futbolli, që ra nga qielli në fushat e mbjella me oriz, në lindje të Indisë.
Objekti, një mineral me ngjyrë kafe me peshë rreth 15 kilogramë, u identifikua dje pasdite në plantacionet me oriz në qytezën Koriyahi, në shtetin e Biharit, duke krijuar panik te fermerët.
‘’Fermerët ishin duke punuar në plantacionet e orizit në kohën që një gur i rëndë ra me shumë zhurmë nga qielli’’, pohoi për median, Shirsat Kapil Ashok, një zyrtar i rajonit të Madhubani.
Ata shprehen se kishin parë re tymi që ngrihej nga toka, që më pas është larguar.
Fermerët u rikthyen në vendngjarje pasi u qartësua pamje dhe reja e tymit u largua. Ata nxorën nga një thellësi mbi një metër meteoritin nga krateri.
