Sot në Kosovë do të mbajë mot kryesisht me diell dhe i nxehtë për periudhën kohore në të cilën gjendemi. Mëngjesi do të jetë i ftohtë dhe vende vende me mjegull kurse gjatë ditës me shumë rreze dielli dhe stabil.
Në Shqipëri dhe Maqedoni edhe sot mot i ngjashëm, pra kryesisht me diell dhe mjaft stabil, do të jetë edhe mjaft nxehtë duke pasur parasysh periudhën kohore në të cilën gjendemi.
Edhe dy tre ditët të ardhshme nuk pritet ndryshim i motit, kurse kah mesi i javës pritet që të kemi depërtimin gradual të ajrit të ftohtë me origjinë nga Siberia në drejtim të rajonit tonë. Temperatuat do të shënojnë rënie në vlerat minimale dhe maksimale. Ky i ftohtë fillimisht nuk do të hetohet në bregdet.
Në fundjavë apo fillimin e javës së ardhshme mund të kemi edhe borën e parë të kësaj sezone. Sidoqoftë përgatituni për uljen e temperaturave kurse sa iu përket reshjeve atmosferike ato ende nuk janë të sigurta!
