Në detin e Norvegjisë gjatë dites së djeshme u krijua super cikloni bombë i cili u zhvillua dhe “shpërtheu” në shumë vende të evropes duke kushtëzuar stuhi të fuqishme shiu e bore.
Erëra të fuqishme uraganike përfshinë shumë vende evropiane që nga Skocia dhe pjesa veriore e Anglisë, Holanda, Belgjika, Norvegjia e më vonë u goditen edhe Danimarka, Gjermania, etj ku erërat në shumë zona arriten shpejtësinë maksimale deri në 130 km/h , madje në disa zona edhe deri në 140km/h. Këto erëra përngjajnë në uragane që godasin vendet tropikale me fuqi shkatërruese.
Cikloni pasaj u zgjerua drejt vendeve Baltike dhe Rusisë në veri e deri në Alpet evropiane ne perëndim, ndërsa në jug deri në Luginën e Panonisë në Vojvodinë të Serbisë.
Në të gjitha këto vende pati dhe priten ende reshje të dendura shiu e bore si dhe stuhi intensive shiu e bore.
Stuhia godet edhe shtetet tjera si Zvicra, Austria, Çekia, Sllovakia, Estonia, Lituania, Polonia, Hungaria, Sllovenia, Kroacia, Rumania, Bullgaria, Bjellorusia, Finlanda, Suedia e pastaj në fund Rusia.
Edhe vendet tona po preken nga kjo suthi por në intensitet më të ulët.
Në shumë zona në të gjitha këto shtete që i përmendëm pritne reshje të dendura shiu e bore dhe probleme të mëdha në trafik.
Në viset tona nga e diela do të kemi përmirësim substancial të motit dhe qetësim të atmosferës si dhe rritje të temperaturave ditore./MeteoBallkan
