Të premten siç theksuam kemi ndryshim të motit, por jo ulje të temperaturave. Temperaturat do të ulën vonë të premten, megjithatë ulje të ndjeshme të tyre presim të shtunën me kalimin e ciklonit në juglindje dhe lindje në Detin e Zi në rajonin tonë do të vendosen përkohësisht rrymime të fuqishme ajrore nga veriu.
Kjo do të shkaktojë ulje të temperaturave dhe reshje bore në viset malore e kodrinore-malore. Fjolla bore mund të ketë edhe në disa zona më të ulëta të Rrafshit të Kosovës. Të shtunën reshje bore priten në malet më të larta të Shqipërisë dhe Maqedonisë së Veriut. Në Maqedoninë Veriore mund të ndodhin fjolla bore edhe në disa zona më të ulëta.
Pra, e shtuna do të karakterizohet me mot mjaft të ftohtë dhe me erëra të ftohta nga veriu sidomos në viset kodrinore-malore dhe në Rrafshin e Kosovës. Reshje do të ketë shumë pak, ngase reshjet kryesore do të “shpenzohen” të premten pasdite vonë dhe në mbrëmje vonë. Këto reshje do të jenë kryesisht në formë dëbore në disa zona malore dhe kodrinore-malore duke mos përjashtuar fjolla bore edhe në disa ultësira.
Me largimin e ciklonit vjen ajri i ftohtë polar, por shumë shpejtë do të kemi rritje të temperaturave, ngase nga Mesdheu do të fillon të depërtojë ajri i ngrohtë dhe kjo do të filloi të ndodhë të dielën.
Pra, pas një “mini-dimri” të shtunën që do të ndjehet në shumë rajone )normalisht jo në krejt rajonin) shumë shpejtë do të pasojë rritja e temperaturave krejt në fund të vikendit dhe fillim të javës së re./MeteoBallkan
