Pas disa ditëve relativisht të ngrohta tani radhën e kanë erërat e ftohta nga veriu dhe një masë ajrore më e ftohtë me origjinë polare, por larg atij dimrit të vërtetë që po presim shumë prej nesh. Megjithatë, në viset kodrinore-malore dy tri ditët e ardhshme pritet atmosferë e vërtetë dimërore.
Erërat veriore kanë filluar dhe me largimin e cikloni masiv thellë në lindje të Kontinentit Evropian në territoret tona rritet presioni atmosferik dhe vjen masa ajrore anticiklonike e cilat bazën e ka në Azore dhe zgjerohet drejt Evropes dhe Ballkanit.
Si pasojë erërat veriore fillimisht do të fuqizohen dhe temperaturat ulen dukshëm gjatë fundjavës, ngase masa e ftohtë ajrore polare depërton pa pengesa në viset tona. Siç kemi theksuar priten edhe reshje lokale bore.
Të shtunën dhe të dielën do të kemi ulje të mëtutjeshme të temperaturave sidomos ato minimale, ngase gjatë natës mund të kemi edhe kthjellime të pjesërishme të motit. Përderisa të shtunën ende lokalisht priten reshje bore, të dielën reshjet do të pushojnë dhe moti do të fillojë të stabilizohet dhe përmirësohet. E Hëna pas një mëngjesi me acar të moderuar dita vijon stabile me me përmirësime graduale./MeteoBallkan
