Një stuhi e fortë ere ka përfshirë sot Kosovën dhe rajonin, duke shkaktuar probleme serioze edhe në trafikun ajror.
Në Aeroportin Ndërkombëtar të Prishtinës dhe në atë të Tiranës, erërat e forta kanë ndikuar në vonesa dhe vështirësi gjatë uljes së aeroplanëve.
Në një video të shpërndarë në rrjetet sociale shihet një aeroplan që tenton të ulet në pistën e aeroportit të Prishtinës, por për shkak të erës së fuqishme detyrohet të ngrihet sërish.
Bëhet fjalë për një fluturim nga Gjeneva, i cili është detyruar të qëndrojë në ajër deri në përmirësimin e kushteve atmosferike.
