Qindra zogj u gjetën të ngordhur në tokë në të gjithë zonën përreth stacionit Termini, nga rruga Cavour në piazza Esedra deri në Nazionale, në Romë, shkruajnë mediat italiane. Policia lokale në vend mendon se kjo situatë ka ndodhur si pasojë e fishekzjarreve që u hodhën gjatë natës së ndërrimit të viteve.
Edhe pse fishekzjarret ishin ndaluar nga një urdhëresë komunale e lëshuar 24 orë më parë, ky urdhër nuk i ndali njerëzit që të festonin.
Organizata Ndërkombëtare për Mbrojtjen e Kafshëve pretendon se zogjtë mund të kenë fluturuar të çoroditur duke goditur njëri-tjetrin, mure, makina, dritare, linjat elektrike, por gjithashtu mund të kenë ngordhur nga sulmet në zemër.
Ndërkohë që fotot dhe videot e realizuara nga qytetarët e Romës janë bërë virale në rrjetet sociale.
