Gjatë natës në Kosovë priten reshje lokale bore kryesisht në Rrafshin e Kosovës, ndërsa në ultësirat e Dukagjinit vështirë se mund të ketë reshje bore. Reshjet e borës do të jenë më të koncentruara në viset kodrinore-malore.
Nesër në Kosovë na pret mot i vranët dhe mjaft i ftohtë. Në mëngjes dhe paradite me reshje lokale bore në veri, lindje dhe jug të vendit kryesisht në zonat kodrinore-malore. Pasdite kthjellimi i motit do të vijë nga veriperëndimi, ndërsa në jug dhe lindje do të mbetet vranët. Do të fryjnë erëra të ftohta nga veriu, ndërsa temperaturat do të lëvizin nga -1 deri në 7 gradë Celsius në Dukagjin.
Në Shqipëri nesër ftohtë, në mëngjes me vranësira e reshje lokale shiu, ndërsa në lindje me reshje lokale bore. gjatë dites ose pasdite kthjellimi i motit vjen nga deti dhe veriperëndimi.
Reshje të pakta bore gjatë natës priten edhe në Maqedoninë Veriore, ndërsa paksa më intensive në Luginën e Preshevës. Këto reshje sporadike do të vazhdojnë edhe nesër në mëngjes dhe paradite, ndërsa gjatë ditës priten vranësira e lokalisht intervale kohore me diell pasdite.
Të premten ftohtë, por me rritje të lehta të temperaturave. Priten vranësira dhe intervale kohore me diell.
Nga fundjava mot pranveror, por mëngjesi i së shtunës do të jetë me acar./METEOBALLKAN
