Po thuajse të gjitha modelet globale komjuterike për parashikim të motit vazhdojnë të parashikojnë dimrin 2019/20 si dimër jo shumë të ashpër dhe kjo vjen kryesisht për shkak të Atlantikut i cili në çdo model parashihet të jetë shumë aktiv. Ky trend ishte që nga Shtatori, dhe Tetori dhe është i ngjashëm edhe dalja më e fundit e Nëntorit njofton faqja shumë e popullarizuar evropiane severe weather europe.
Modelet parashikojnë sisteme të fuqishëme ajrore me presion të ulët atmosferik në Atlantikun Verior dhe kjo e bënë Atlantikun verior të jetë në “fazën pozitive” (+NAO patern). Kjo gjendje sinoptike në drejtim të Evropes tërheqë masa ajrore të nxehta nga jugu. Kjo nuk do të thotë se i tërë dimri do të jetë i butë sipas parashikimit. Do të ketë gjithsesi disa ditë me reshje bore për shkak të depërtimit të disa fronteve të fuqishme të ftohta ajrore theksohet në parashikim. Parashikimi ka tendenca që të jetë rreth nga 50%- 60% i dimrit brenda këtyre kornizave. Sidoqoftë parashikimi afatgjatë gjithmonë duhet të meret me rezerva të mëdha.
Parashikime të tilla kanë si modeli ECMWF, po ashtu edhe modeli britanik UKMO dhe ai japonez JAM. Por një gjë të cilën modelet nuk mund ta parashikojnë janë dinamikat e stratosferës. Nëse vie deri të ngrohja e mënjëhershme e stratosferës proces që parashihet të fillojë gjatë muajit dhjetor atëherë do të vie deri te çarja e rrethit polar dhe kjo do të jetë faktori vendimtar dhe determinant për ecurinë e këtij dimri. Nëse ajri polar së bashku me ndonjë anticiklon siberik gjen rrugën në drejtim të Ballkanit atëherë mund të imagjinojmë se çfarë mund të ndodhë, por të gjitha këto mbesin ende parashikime dhe supozime të “thata” dhe koha do të vërtetojë kredibilitetit e parashikimeve afatgjata të këtyre modeleve. Ne do të jemi duke përcjellur gjendjen vazhdimisht në kuadër të parashikimeve tona afatshkurtëra dhe posa të vërejmë ndonjë shenjë të qartë për ndonjë goditje dimërore sigurisht se do të jemi të parët që do tju lajmërojmë/Meteoballkan
